جامعہ اشرفیہ کے مہتمم مولانا فضل الرحیم انتقال کر گئے

معروف عالم دین اور جامعہ اشرفیہ کے مہتمم مولانا فضل الرحیم انتقال کر گئے۔

جامعہ اشرفیہ کے مہتمم مولانا فضل الرحیم اشرفی انتقال کر گئے۔ وہ طویل عرصے سے علیل تھے۔ مرحوم کی نماز جنازہ آج بعد از نمازِ ظہر جامعہ اشرفیہ میں ادا کی جائے گی۔

مولانا فضل الرحیم اشرفی ملک کے ممتاز دینی رہنماؤں میں شمار ہوتے تھے۔ وہ پاکستان کے معروف مذہبی ادارے جامعہ اشرفیہ کے مہتمم تھے۔ اس کے ساتھ ساتھ وہ قرآن بورڈ کے چیئرمین بھی رہے۔ وفاق المدارس العربیہ پاکستان کے سرپرست کی حیثیت سے بھی انہوں نے طویل عرصہ خدمات انجام دیں۔

مرحوم نے دینی تعلیم کے فروغ کے لیے بھرپور کردار ادا کیا۔ انہوں نے تدریس، انتظامی امور اور علمی تحقیق میں نمایاں خدمات انجام دیں۔ ان کی تصنیف کردہ کئی دینی کتابیں علمی حلقوں میں قدر کی نگاہ سے دیکھی جاتی ہیں۔

جمعیت علمائے اسلام کے سربراہ مولانا فضل الرحمان نے مولانا فضل الرحیم اشرفی کے انتقال پر گہرے رنج و غم کا اظہار کیا۔ انہوں نے کہا کہ مرحوم کا انتقال علمی اور دینی حلقوں کے لیے ناقابلِ تلافی نقصان ہے۔ مولانا فضل الرحمان نے مرحوم کی مغفرت اور لواحقین کے لیے صبرِ جمیل کی دعا کی۔

معروف عالمِ دین مولانا مفتی محمد تقی عثمانی، وفاق المدارس کے صدر مولانا قاری محمد حنیف جالندھری، مولانا ڈاکٹر سعید احمد عنایت اللہ سمیت دیگر علما اور مذہبی شخصیات نے بھی تعزیت کا اظہار کیا ہے۔