سعودی وزیر خارجہ اور ایرانی ہم منصب کے درمیان ٹیلی فونک رابطہ

سعودی وزیر خارجہ شہزادہ فیصل بن فرحان نے جمعرات کو ایرانی وزیر خارجہ عباس عراقچی سے ٹیلی فون پر بات چیت کی۔

سعودی خبر رساں ایجنسی ایس پی اے کے مطابق دونوں وزراء نے علاقائی تازہ ترین پیش رفت، خطے میں سلامتی اور استحکام کی حمایت کے طریقوں پر تبادلہ خیال کیا۔

سعودی عرب کے وزیر خارجہ نے علاقائی صورتحال پر پڑوسی ممالک کے ہم منصبوں سے الگ الگ ٹیلی فونک رابطے بھی کیے۔ وزارت خارجہ کے بیان کے مطابق یہ گفتگو خطے میں جاری کشیدگی کے تناظر میں ہوئی، جبکہ امریکہ ایران کے حوالے سے اپنے اختیارات اور اقدامات پر غور کر رہا ہے۔

ذرائع کے مطابق دونوں وزراء نے علاقائی سلامتی، استحکام اور تازہ ترین پیش رفت پر تفصیلی تبادلہ خیال کیا، جس میں ایران کے ساتھ حالیہ رابطے بھی شامل تھے۔ یہ سفارتی کوششیں خطے میں مزید کشیدگی کو روکنے اور مکالمے کے ذریعے مسائل کے حل کی جانب اشارہ کرتی ہیں۔