سونے کی قیمت میں کمی ریکارڈ؛ فی تولہ کتنے کا ہو گیا؟

ملک میں آج سونے کی فی تولہ قیمت میں 600 روپے کمی ریکارڈ کی گئی ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے آخری روز سونے کی قیمت میں زبردست کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 600 روپے کمی کے بعد 4 لاکھ 81 ہزار 862 روپے ہوگئی ہے جبکہ 10 گرام سونے کی قیمت 515 روپے کمی کے بعد 4 لاکھ 13 ہزار 118 روپے ہوگئی ہے۔

 عالمی مارکیٹ میں سونا 6 ڈالر کمی کے بعد  4595 ڈالر فی اونس کی سطح پر آگیا۔