سونے کی قیمت نے پچھلے تمام ریکارڈ توڑ دیے؛ تاریخی اضافہ

ملک میں آج سونے کی فی تولہ قیمت میں 4300 روپے اضافہ ریکارڈ کیا گیا ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے دوسرے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 4300 روپے اضافے کے بعد 4 لاکھ 93 ہزار 662 روپے ہوگئی ہے۔

10 گرام سونے کی قیمت 3686 روپے اضافے کے بعد 4 لاکھ 23 ہزار 235 روپے ہو گئی۔

عالمی مارکیٹ میں سونا 43 ڈالر فی اونس مہنگا ہوگیا، عالمی مارکیٹ میں سونا  4713 ڈالر فی اونس کی سطح پر آگیا۔

فی تولہ چاندی کی قیمت میں 87 روپے کا اضافہ ہوا، فی تولہ چاندی کی قیمت 9869 روپے ہوگئی۔