سابق وفاقی وزیرداخلہ انتقال کرگئے

سابق وفاقی وزیرداخلہ میجر(ر) راجہ نادر پرویز انتقال کر گئے۔

سابق وفاقی وزیرداخلہ میجر(ر) راجہ نادر پرویز نے پانچ مرتبہ رکن قومی اسمبلی کی حیثیت سے عوام کی خدمت کی۔

راجہ نادر پرویز نے اپنے سیاسی کیریئر کے دوران مسلم لیگ ن، تحریک انصاف اور اسلامی جمہوری اتحاد کے مختلف ادوار میں حصہ لیا۔ وفاقی وزیرداخلہ کے عہدے کے علاوہ وہ وزارتِ پانی و بجلی کے ذمہ دار بھی رہ چکے ہیں۔

انہوں نے چار مرتبہ فیصل آباد اور ایک مرتبہ راولپنڈی سے رکن قومی اسمبلی کے طور پر منتخب ہو کر عوامی خدمات انجام دیں۔ سیاسی اور سماجی حلقوں نے ان کی وفات پر گہرے دکھ اور افسوس کا اظہار کیا ہے۔