رمضان 2026: دنیا بھر میں روزہ کتنے گھنٹے کا ہو گا؟ اہم خبر آگئی

رمضان المبارک 2026 کی متوقع تاریخ سامنے آگئی ہے، تاہم حتمی اعلان چاند دیکھنے کے بعد کو ہی کیا جائے ہوگا۔

متحدہ عرب امارات میں گزشتہ سال اکتوبر میں کیے گئے فلکیاتی حسابات کے مطابق رمضان کا آغاز متوقع طور پر 19 فروری 2026 ہوگا۔ سعودی عرب سمیت دیگر ممالک میں حتمی تاریخ کا اعلان چاند نظر آنے کے بعد ہی کیا جائے گی۔

پاکستان میں رمضان کے دوران روزے کا دورانیہ موسم اور جغرافیائی محل وقوع کے مطابق تقریباً 13 سے ساڑھے 13 گھنٹے کے درمیان رہتا ہے۔ مہینے کے آغاز میں روزے تقریباً 13 گھنٹے کے قریب ہوں گے اور اختتام تک یہ ساڑھے 13 گھنٹے تک بڑھ جائیں گے۔

دن کی روشنی کے اوقات رمضان کے دوران بتدریج لمبے ہوتے جاتے ہیں، جس کے باعث ماہ کے آخری ایام میں روزے کے دورانیے میں اضافہ دیکھا جائے گا۔ شمالی نصف کرہ میں بہار کے آغاز اور موسم سرما کے اختتام کی وجہ سے ابتدا میں دن چھوٹے اور اختتام میں طویل ہوتے ہیں۔

مختلف ممالک میں روزے کے اوقات میں فرق زیادہ تر جغرافیہ کی بنیاد پر ہوتا ہے۔ خط استوا کے قریب والے ممالک میں دن کی روشنی کا دورانیہ تقریباً مستحکم رہتا ہے، جبکہ شمال یا جنوب میں موسمی تغیرات زیادہ نظر آتے ہیں۔

مشرق وسطیٰ اور شمالی افریقا کے مسلم ممالک میں رمضان کے آغاز میں روزے کے دورانیے کم ہوں گے، تاہم ماہ کے آخر تک یہ بتدریج بڑھیں گے۔ مصر میں روزے کے اوقات تقریباً 12 گھنٹے اور 40 منٹ سے شروع ہوں گے، جو ماہ کے اختتام تک 13 گھنٹے تک پہنچ جائیں گے۔

خلیجی ممالک سعودی عرب، متحدہ عرب امارات، قطر، کویت، بحرین اور عمان میں روزے کے دورانیے 12 سے 13 گھنٹے کے درمیان رہیں گے۔ شمالی افریقہ کے ممالک مراکش، الجیریا اور تیونس میں طول البلد اور مقامی غروب آفتاب کی وجہ سے معمولی فرق ہوسکتا ہے۔

نیویارک میں روزے کے اوقات ساڑھے 12 گھنٹے سے شروع ہوں گے اور ماہ کے اختتام تک 13 گھنٹے یا اس سے زائد ہو جائیں گے۔ یورپ کے بلند عرض البلد علاقوں، جیسے برطانیہ، جرمنی اور اسکینڈینیویا میں مسلمانوں کو طویل روزے رکھنے کا موقع ملے گا، اگرچہ 2026 میں یہ دن مشرق وسطیٰ کے مقابلے میں نمایاں طور پر طویل ہوں گے۔