ٹرمپ نے امیگریشن اہلکاروں کے ہاتھوں مارے گئے شہری کو ہی واقعے کا ذمہ دار قرار دے دیا

امریکی صدر ڈونلڈ ٹرمپ نے ریاست منی سوٹا میں پیش آنے والے واقعے پر ردعمل دیتے ہوئے امیگریشن اہلکاروں کے ہاتھوں ہلاک ہونے والے شہری کو ہی اس کی موت کا ذمہ دار قرار دے دیا ہے۔

واقعہ اس وقت پیش آیا جب امیگریشن اینڈ کسٹمز انفورسمنٹ کے اہلکار ایک چھاپے کے دوران کارروائی کر رہے تھے۔ اس دوران ایک میل نرس اور ایک خاتون کو گولی مار کر ہلاک کر دیا گیا۔

صدر ٹرمپ نے اس واقعے کو افسوسناک قرار دیا، تاہم انہوں نے مظاہرے میں شریک آئی سی یو نرس الیکس پریٹی پر تنقید کی۔ ان کا کہنا تھا کہ متاثرہ شخص کے پاس لائسنس یافتہ پستول موجود تھی، جو ایسے حالات میں نہیں ہونی چاہیے تھی۔

ٹرمپ نے کہا کہ کشیدگی کے ماحول میں اسلحہ رکھنے سے حالات مزید خراب ہو جاتے ہیں۔ ان کے مطابق صورتحال کو قابو میں رکھنے کے لیے اقدامات کیے جا رہے ہیں۔

دوسری جانب، انسانی حقوق کے حلقوں اور طبی عملے سے وابستہ افراد نے واقعے پر شدید تشویش کا اظہار کیا ہے۔ ان کا کہنا ہے کہ غیر مسلح شہریوں کے خلاف طاقت کا استعمال قابلِ قبول نہیں۔

واضح رہے کہ امریکا میں امیگریشن پالیسی کے خلاف مظاہرے جاری ہیں۔ حالیہ واقعات کے بعد امیگریشن انفورسمنٹ اہلکاروں کے اختیارات پر بھی سوالات اٹھائے جا رہے ہیں۔