امید ہے ایران کے خلاف فوجی کارروائی کی ضرورت نہ پڑے، امریکی صدر

امریکی صدر ڈونلڈ ٹرمپ کا کہنا ہے کہ امید ہے ایران کے خلاف فوجی کارروائی کی ضرورت نہ پڑے۔

 امریکی صدر ڈونلڈ ٹرمپ کا کہنا ہے کہ امید ہے ایران کے خلاف فوجی کارروائی کی ضرورت نہ پڑے، ان کے ساتھ مزید بات چیت کا ارادہ ہے، ایران کی جانب امریکی بحری بیڑا روانہ کیا، لیکن استعمال نہ کرنا بہتر ہوگا۔

انہوں نے کہا کہ پہلے بھی ایران سے بات چیت ہوچکی ہے اور آئندہ بھی ہوگی، میرے خیال سے کیوبا حکومت قائم نہیں رہ سکے گی، برطانیہ کے لیے چین کے ساتھ کاروبار کرنا بہت خطرناک ہے، چین کے ساتھ تجارتی تعاون برطانیہ کے لیے سنگین خطرہ بن سکتا ہے۔

  امریکی صدر ڈونلڈ ٹرمپ نے کہا کہ کینیڈا کے لیے چین کے ساتھ کاروبار کرنا اس سے بھی زیادہ خطرناک ہے، چین کے ساتھ بڑھتے تجارتی تعلقات پر اتحادیوں کو محتاط رہنا ہوگا۔