ٹرمپ کی درخواست پر پیوٹن نے کیف پر حملہ نہ کرنے کی آمادگی ظاہر کر دی

امریکی صدر ڈونلڈ ٹرمپ نے ایک اہم بیان میں کہا ہے کہ روسی صدر ولادیمیر پیوٹن نے شدید سرد موسم کے باعث ایک ہفتے کے لیے یوکرین کے دارالحکومت کیف اور دیگر شہروں پر حملے نہ کرنے پر آمادگی ظاہر کی ہے۔

صدر ٹرمپ نے واشنگٹن میں کابینہ کے اجلاس کے دوران گفتگو کرتے ہوئے بتایا کہ بہت سے لوگوں نے سمجھا تھا کہ یہ درخواست کامیاب نہیں ہوگی، مگر پیوٹن نے اس پر ہاں کہہ دی۔ ان کے بقول یوکرینی عوام اس اعلان پر خوش ہیں کیونکہ وہ شدید مشکلات کا سامنا کر رہے ہیں۔

ٹرمپ نے کہا کہ غیر معمولی سردی کے دوران شہری علاقوں کو نقصان پہنچنے سے بچانا مقصد تھا۔ تاہم، انہوں نے واضح نہیں کیا کہ یہ ممکنہ وقفہ کب سے شروع ہوگا اور اس کا دورانیہ کس طرح ہوگا۔

یہ اعلان ایسے وقت میں آیا ہے جب یوکرین میں جاری تنازع میں شہری علاقوں کی حفاظت کے لیے عالمی سطح پر تشویش پائی جاتی ہے۔ ٹرمپ کے بیان کے بعد بین الاقوامی حلقوں میں اس فیصلے کو مثبت قدم کے طور پر دیکھا جا رہا ہے۔