عالمی بینک کے صدر اجے بنگا اہم ترین دورے پر پاکستان پہنچ گئے

عالمی بینک کے صدر اجے بنگا اہم ترین دورے پر پاکستان پہنچ گئے ہیں۔

ذرائع کے مطابق عالمی بینک کے صدر اجے بنگا اہم ترین دورے پر پاکستان پہنچ گئے، عالمی بینک کے صدر 4 فروری تک پاکستان میں قیام کریں گے۔

عالمی بینک کے صدر اعلیٰ سرکاری حکام سے ملاقاتیں کریں گے، ملاقاتوں میں پاکستان میں معاشی اصلاحات، بھارت سے جاری آبی تنازع پر بات چیت متوقع ہے۔

ذرائع کا کہنا ہے کہ عالمی بینک کے صدر کی وزیر اعظم، وزیر خارجہ  سے بھی ملاقاتیں متوقع ہیں، اس کےعلاوہ اجے بنگا کو معاشی اصلاحات، ترقیاتی منصوبوں کی ترجیحات سے آگاہ کیا جائے گا۔

ذرائع کے مطابق 10 سالہ کنٹری پارٹنرشپ فریم ورک پر عملدرآمد میں اہم پیش رفت متوقع ہے، عالمی بینک اس فریم ورک کے تحت 2035 تک پاکستان کو 20ارب ڈالر فراہم کرے گا۔