سوزوکی کی نئی گاڑی آسان اقساط پر حاصل کرنے کا موقع؛ مکمل طریقہ جان لیں

ویب ڈیسک: ایم سی بی بینک نے نئی سوزوکی گاڑیوں کے لیے Car4U اور Fleet4U پلیٹ فارمز کے تحت آٹو فنانسنگ پروگرام متعارف کروا دیا ہے۔

اس پروگرام کے ذریعے صارفین کو سوزوکی کی مسافر اور کمرشل گاڑیوں کے لیے مالی معاونت فراہم کی جائے گی۔ اس میں منظم قرض کی شرائط و ضوابط لاگو ہوں گے تاکہ صارفین آسانی سے گاڑی حاصل کر سکیں۔

فنانسنگ کی شرائط

• مارک اپ ریٹ ایک سالہ KIBOR کے ساتھ 3 فیصد مقرر ہے۔

• انشورنس کی قیمت 1.50 فیصد رکھی گئی ہے۔

• Car4U فنانسنگ کے تحت اہل صارفین کو تین سال تک کی لچکدار اقساط کی سہولت فراہم کی جائے گی۔

• Fleet4U کے ذریعے بڑے بیڑے (Fleet) کی خریداری کے لیے فنانسنگ دستیاب ہے، جس کی حد 30 ملین روپے تک ہے۔

• Car4U کے تحت انفرادی گاڑی کی خریداری کے لیے فنانس کی حد 3 ملین روپے تک ہے۔

ترجیحی ڈیلیوری اور مدت

اس پروگرام میں گاڑیاں خریدنے والے صارفین کو ترجیحی ڈیلیوری کی سہولت بھی حاصل ہوگی۔

ایم سی بی بینک کے مطابق یہ پیشکش 31 مارچ 2026 تک دستیاب ہوگی اور بینک کی معیاری شرائط و ضوابط اس پر لاگو ہوں گے۔