کسی قیدی کو پھانسی نہیں دی، دو ہزار سے زائد قیدیوں کو معاف کیا گیا : ایرانی وزیر خارجہ

ایران کے وزیر خارجہ سید عباس عراقچی نے ایک بیان میں کہا ہے کہ جب بھی میریئم ایڈلسن کے ترجمان کی جانب سے ایران کے بارے میں کوئی ڈرامائی دعویٰ سامنے آتا ہے تو یہ سوال ضرور اٹھانا چاہیے کہ اس سے فائدہ کس کو ہو رہا ہے۔

انہوں نے کہا کہ خود امریکی صدر بھی اس بات کا اعتراف کر چکے ہیں کہ میریئم ایڈلسن کی بنیادی وفاداریاں کہاں وابستہ ہیں، اس لیے ایسی خبروں کو بغیر سوچے سمجھے قبول نہیں کرنا چاہیے۔

عراقچی کے مطابق ایڈلسن کے ادارے نے بنیامین نیتن یاہو کے وائٹ ہاؤس دورے سے محض ایک گھنٹہ قبل یہ دعویٰ کیا کہ ایران نے ڈونلڈ ٹرمپ کو دھوکہ دیا ہے، جو کہ حقائق کے منافی ہے۔

انہوں نے وضاحت کی کہ نہ تو کسی قیدی کو پھانسی دی گئی ہے، نہ کسی عدالتی عمل کی تکمیل ہوئی ہے، بلکہ دو ہزار سے زائد قیدیوں کو معاف کیا جا چکا ہے۔ اس بیانیے کو قبول کرنے سے پہلے یہ ضرور دیکھنا چاہیے کہ اس سے فائدہ کس کو پہنچ رہا ہے اور اصل دھوکہ دہی کون کر رہا ہے۔