سونے کی قیمت میں زبردست کمی ہوگئی؛ فی تولہ کتنے کا ہوگیا؟

عالمی مارکیٹ میں سونے کی قیمت میں آج واضح کمی دیکھی گئی ہے۔

 خبرایجنسی کی رپورٹ کے مطابق پیر کو سونے کی قیمتیں کم تجارتی حجم کی وجہ سے نیچے آئیں، کیونکہ امریکی اور چین کی مارکیٹیں مقامی عوامی تعطیلات کی وجہ سے بند رہیں۔

رپورٹ میں بتایا گیا کہ عالمی مارکیٹ میں سونے کی فی اونس قیمت 4,988.04 ڈالر تک گر گئی، جو ایک دن میں تقریباً 1.1 فیصد کی کمی ہے۔ اپریل کے لیے امریکی سونے کے سودے بھی 0.8 فیصد کمی کے ساتھ 5,006.60 ڈالر فی اونس پر طے پائے۔

ماہرین کے مطابق گزشتہ ہفتے ملکی مارکیٹ میں سونے کی قیمتوں میں اضافہ دیکھا گیا تھا، تاہم آج عالمی منڈی کے دباؤ کی وجہ سے ملک کے صرافہ مارکیٹ میں قیمتوں میں کمی آنے کا امکان ہے۔

صرافہ مالکان کا کہنا ہے کہ سونے کی عالمی قیمت میں اتار چڑھاؤ ملکی مارکیٹ پر براہِ راست اثر ڈال رہا ہے، اس لیے صارفین کو مارکیٹ کی تازہ صورتحال سے باخبر رہنا چاہیے۔