لیپ ٹاپ اسکیم فیز 2 میں درخواست دینے والوں کیلئے بڑی خوشخبری آگئی

حکومتِ پنجاب نے پنجاب لیپ ٹاپ اسکیم فیز 2 کے لیے درخواستیں جمع کروانے کی آخری تاریخ میں توسیع کا اعلان کر دیا ہے۔

 سرکاری اعلامیے کے مطابق اب طلبہ 20 مارچ 2026 تک آن لائن پورٹل کے ذریعے اپنی درخواستیں جمع کروا سکتے ہیں۔ آخری تاریخ میں توسیع کا مقصد زیادہ سے زیادہ طلبہ کو اس اسکیم سے فائدہ پہنچانا ہے۔ اس اسکیم کے تحت طلبہ کو جدید ٹیکنالوجی تک رسائی فراہم کی جاتی ہے تاکہ تعلیمی اور تحقیقی سرگرمیوں میں ڈیجیٹل سہولیات کو فروغ دیا جا سکے۔

یہ پروگرام صوبائی حکومت کی تعلیمی ترقی کی کوششوں کا حصہ ہے۔ اس میں پنجاب کے سرکاری تعلیمی اداروں کے طلبہ کے ساتھ ساتھ بعض منتخب نجی جامعات کے طلبہ بھی درخواست دینے کے اہل ہیں۔

حکام نے طلبہ کو تاکید کی ہے کہ وہ مقررہ آخری تاریخ سے قبل اپنی درخواستیں مکمل کر لیں۔ اس سے طلبہ بروقت اس تعلیمی سہولت سے فائدہ اٹھا سکیں گے۔