بیرونِ ملک مقیم پاکستانیوں کیلئے نادرا کا اہم اعلان

نادرا نے بیرونِ ملک مقیم پاکستانی شہریوں کو عید الفطر کے موقع پر بین الاقوامی دفاتر اور کاؤنٹرز کی تعطیلات سے آگاہ کردیا ہے۔

اعلامیے کے مطابق عید کی چھٹیوں کے دوران نادرا کے تمام بیرونِ ملک دفاتر اور کاؤنٹرز بند رہیں گے۔ ہر دفتر اپنے متعلقہ پاکستانی سفارت خانے یا قونصل خانے کے شیڈول کے مطابق بندش کی پابندی کرے گا۔

اگرچہ دفاتر بند ہوں گے، تاہم شہری اب بھی نادرا کی پاک آئی ڈی (Pak-ID) موبائل ایپ کے ذریعے اپنی شناختی دستاویزات جیسے NICOP اور POC کی تجدید یا درخواست گھر بیٹھے مکمل کر سکتے ہیں۔

 شہریوں کو مشورہ دیا گیا ہے کہ وہ اپنے ملک میں پاکستانی سفارت خانے یا قونصل خانے کی ویب سائٹ یا سوشل میڈیا صفحات سے چھٹیوں کے مخصوص دنوں کی تصدیق ضرور کر لیں تاکہ کسی قسم کی پریشانی سے بچا جا سکے۔