صدر مملکت کی پیٹرولیم مصنوعات کی قیمتوں کے بوجھ کو کم سے کم رکھنے کی ہدایت

صدر مملکت آصف علی زرداری نے معاشی پالیسیوں میں عوامی ریلیف کو اولین ترجیح دینے کی ہدایت کی ہے۔

تفصیلات کے مطابق صدر مملکت آصف زرداری سے وزیر داخلہ محسن نقوی، وزیر خزانہ محمد اورنگ زیب اور دیگر وزرا نے ملاقات کی۔ اس دوران ملک میں امن و امان اور موجودہ معاشی صورتحال پر تفصیلی تبادلہ خیال کیا گیا۔

 صدر مملکت نے زور دیا کہ معاشی پالیسیوں میں عوام کے مفاد کو مدنظر رکھا جائے اور پیٹرولیم مصنوعات کی قیمتوں میں اضافے کے اثرات کو کم سے کم کیا جائے۔

اس موقع پر صدر زرداری نے متعلقہ حکام کو ہدایت دی کہ پیٹرولیم مصنوعات کی قیمتوں کے بوجھ کو کم کرنے کے لیے مناسب اقدامات فوری طور پر کیے جائیں تاکہ عام آدمی کو فوری فائدہ پہنچ سکے۔