غزہ پر جارحیت کے نفسیاتی اثرات؛ اسرائیلی فوجی پناہ گاہ میں مردہ پایا گیا

تل ابیب کے مضافاتی علاقے بیت یام میں ایک پبلک شیلٹر کے اندر ایک اسرائیلی فوجی اہلکار کو مردہ پایا گیا، جس کا ابتدائی اندازہ خودکشی ہے۔

یہ واقعہ غزہ پر اسرائیل کے جاری حملوں کے دوران فوجیوں پر بڑھتے ہوئے شدید ذہنی دباؤ کی نشاندہی کرتا ہے۔ اسرائیلی فوج کی جارحیت نے شہری علاقوں کو نشانہ بنایا اور بین الاقوامی سطح پر شدید تنقید کا باعث بنی ہے۔

والّا! نیوز کے مطابق، اہلکار کو راکٹ کی سائرن کے دوران شیلٹر میں داخل ہونے والے شہریوں نے مردہ پایا، اور اس کے جسم پر گولی کا نشانہ موجود تھا۔

ماہرین کا کہنا ہے کہ یہ واقعہ غزہ میں جاری بلاامتیاز بمباری اور شہری ہلاکتوں، بنیادی ڈھانچے کی تباہی اور شدید انسانی بحران کے باوجود فوجیوں پر دباؤ کی عکاسی کرتا ہے۔

غزہ کے مظلوم شہری اسرائیلی جارحیت کا سامنا کر رہے ہیں، اور اسرائیلی فوج کے اہلکار خود بھی اس ظلم کے نفسیاتی اثرات سے دوچار ہیں۔