تعلیمی ادارے یکم اپریل سے کھلیں گے یا نہیں؟ وزیر تعلیم کا اہم بیان سامنے آگیا

وزیر تعلیم پنجاب رانا سکندر حیات نے تعلیمی اداروں میں چھٹیوں کے حوالے سے جاری غیر یقینی صورتحال کو ختم کر دیا ہے۔

 وزیر تعلیم پنجاب رانا سکندر حیات نے واضح کیا ہے کہ صوبے بھر میں اسکولز اور کالجز کی تعطیلات 31 مارچ کو ختم ہو جائیں گی۔ اس کے بعد یکم اپریل سے تمام تعلیمی ادارے معمول کے مطابق کھول دیے جائیں گے۔ مزید چھٹیوں کی کوئی تجویز زیر غور نہیں ہے۔

انہوں نے کہا کہ یکم اپریل سے تعلیمی سرگرمیاں وہیں سے شروع کی جائیں گی جہاں سے پہلے رکی تھیں۔ اس بار خاص توجہ طلبہ کے لرننگ لاسز کو کم کرنے پر دی جائے گی۔

دوسری جانب سندھ حکومت کے رہنما شرجیل میمن نے کہا ہے کہ تعلیمی اداروں کو بند یا کھلا رکھنے کا فیصلہ حالات کو دیکھ کر کیا جائے گا۔ اس وقت حکومت کی توجہ مہنگائی کو کنٹرول کرنے اور عوام کو بہتر ٹرانسپورٹ سہولیات فراہم کرنے پر ہے۔ کسی بھی فیصلے سے پہلے تمام پہلوؤں کا جائزہ لیا جائے گا۔