تعمیراتی شعبے کیلئے بُری خبر؛ سیمنٹ مزید مہنگا ہوگیا

ملک بھر میں سیمنٹ کی فی بوری قیمت میں معمولی اضافہ دیکھا گیا ہے۔ یہ اضافہ گزشتہ ہفتے کے دوران ریکارڈ کیا گیا۔

شماریات بیورو کے مطابق 26 مارچ کو ختم ہونے والے ہفتے میں شمالی شہروں میں سیمنٹ کی اوسط قیمت 1482 روپے فی بوری رہی۔ یہ قیمت پچھلے ہفتے کے مقابلے میں 0.43 فیصد زیادہ ہے۔

اس سے پہلے والے ہفتے میں شمالی علاقوں میں سیمنٹ کی اوسط قیمت 1476 روپے فی بوری تھی۔

اسی طرح جنوبی شہروں میں بھی قیمت میں اضافہ ہوا ہے۔ 26 مارچ کو ختم ہونے والے ہفتے میں جنوبی علاقوں میں سیمنٹ کی فی بوری اوسط قیمت 1489 روپے ریکارڈ کی گئی۔ یہ قیمت گزشتہ ہفتے کے مقابلے میں 1.20 فیصد زیادہ ہے۔ پچھلے ہفتے یہ قیمت 1471 روپے تھی۔

شہروں کے حساب سے قیمتوں میں فرق دیکھا گیا۔ اسلام آباد میں سیمنٹ کی فی بوری قیمت 1441 روپے رہی جبکہ راولپنڈی میں 1433 روپے ریکارڈ کی گئی۔

گوجرانوالہ میں قیمت 1520 روپے اور سیالکوٹ میں 1510 روپے رہی۔ لاہور میں 1509 روپے جبکہ فیصل آباد میں 1450 روپے فی بوری قیمت نوٹ کی گئی۔

سرگودھا میں 1500 روپے، ملتان میں 1513 روپے اور بہاولپور میں 1533 روپے فی بوری قیمت رہی۔ پشاور میں 1493 روپے جبکہ بنوں میں سب سے کم قیمت 1400 روپے ریکارڈ کی گئی۔

جنوبی شہروں میں کراچی میں سیمنٹ کی فی بوری قیمت 1400 روپے رہی۔ حیدر آباد میں 1498 روپے جبکہ سکھر میں 1550 روپے فی بوری قیمت ریکارڈ کی گئی۔

لاڑکانہ میں قیمت 1413 روپے، کوئٹہ میں 1470 روپے اور خضدار میں سب سے زیادہ 1600 روپے فی بوری قیمت دیکھی گئی۔