پیٹرول اور ڈیزل کے بعد مٹی کے تیل کی قیمت میں بھی بڑا اضافہ

اسلام آباد: حکومت نے پیٹرول اور ڈیزل کی قیمتوں میں اضافے کے بعد مٹی کے تیل کی قیمت بھی بڑھا دی ہے، جس سے عوام پر مہنگائی کا مزید بوجھ پڑ گیا ہے۔

اوگرا (آئل اینڈ گیس ریگولیٹری اتھارٹی) کی جانب سے جاری نوٹیفکیشن کے مطابق مٹی کا تیل 34 روپے 8 پیسے فی لیٹر مہنگا کر دیا گیا ہے۔

اضافے کے بعد مٹی کے تیل کی نئی قیمت 467 روپے 48 پیسے فی لیٹر مقرر کر دی گئی ہے۔

یاد رہے کہ حکومت نے اس سے قبل ایک ہفتے کے لیے پیٹرول کی قیمت میں 137 روپے 23 پیسے فی لیٹر جبکہ ڈیزل کی قیمت میں 184 روپے 49 پیسے فی لیٹر کا بڑا اضافہ کیا تھا۔