سوزوکی جی ایس 150 خریدنے کے خواہشمند پاکستانیوں کیلئے بڑی خوشخبری آگئی

 سوزوکی GS 150 اب آسان اقساط پر حاصل کی جا سکتی ہے۔ اس اسکیم کے تحت صارفین کم ماہانہ قسطوں میں یہ موٹر سائیکل خرید سکتے ہیں۔

تفصیلات کے مطابق سوزوکی GS 150 کی انجن کی گنجائش 150 سی سی ہے۔ اس کی قیمت 399,900 روپے مقرر کی گئی ہے۔ یہ نئی قیمت 21 جولائی 2025 سے نافذ العمل ہے۔ اس اسکیم کے تحت مختلف ادائیگی پلان صارفین کے لیے دستیاب ہیں۔

پہلے پلان میں 25 فیصد ایڈوانس ادائیگی کے ساتھ 24 ماہ کی اقساط کی سہولت دی جا رہی ہے۔ اس میں 99,975 روپے ڈاؤن پیمنٹ دینا ہوگا۔ پہلے 23 ماہ تک ماہانہ قسط 12,500 روپے مقرر کی گئی ہے۔ جبکہ آخری 24ویں ماہ میں 12,425 روپے ادا کرنے ہوں گے۔ یہ اسکیم 0 فیصد مارک اپ پر دی جا رہی ہے۔

دوسرے پلان میں 50 فیصد ایڈوانس ادائیگی کا آپشن موجود ہے۔ اس کے تحت 199,950 روپے ڈاؤن پیمنٹ دینا ہوگی۔ اس پلان میں 18 ماہ کی اقساط رکھی گئی ہیں۔ پہلے 17 ماہ تک ماہانہ قسط 11,200 روپے ہوگی۔ جبکہ آخری قسط 9,550 روپے مقرر کی گئی ہے۔

کمپنی کے مطابق یہ اقساطی اسکیم بغیر سود کے ہے، جس سے صارفین کو آسانی ہوگی۔ شہری اب کم بوجھ کے ساتھ اپنی پسندیدہ موٹر سائیکل خرید سکتے ہیں۔ اس پیشکش کو خاص طور پر متوسط طبقے کے لیے فائدہ مند قرار دیا جا رہا ہے۔