بیوی سے طلاق کی خوشی یا غم؟ دودھ سے نہانے والے شخص کی ویڈیو وائرل

بھارت میں ایک شخص نے بیوی سے طلاق لینے کی خوشی کو  ایسے انوکھے انداز میں منایا کہ دیکھنے والے حیران ہوگئے۔

ویسے تو میاں بیوی کے درمیان طلاق زندگی کا بہت مشکل اور افسوسناک مرحلہ ہوتا ہے لیکن بھارتی ریاست آسام سے تعلق رکھنے والے ایک شخص نے اپنی طلاق کی خوشی منائی اور 40 لیٹر دودھ سے نہا کر منفرد انداز میں جشن منایا جس کی ویڈیو سوشل میڈیا پر وائرل ہے۔

 

View this post on Instagram

 

A post shared by ज़िन्दगी गुलज़ार है ! (@zindagi.gulzar.h)

بھارتی میڈیا رپورٹس میں بتایا گیا ہے کہ  مانک علی نامی شخص اپنی بیوی کے آشنا سے تعلق  پر تنگ تھا جو دو بار اپنے آشنا کے ساتھ فرار بھی ہوچکی تھی اوریہی چیزیں ان کی طلاق کا سبب بنیں۔

مانک نے طلاق کے بعد جشن منایا جس کی ویڈیو میں دیکھا جاسکتا ہے کہ مانک علی دودھ سے نہا کر خوشی منارہا ہے اور اس نے کہا کہ وہ آج آزاد ہوگیا ہے۔