آپ کا انگوٹھا آپ کے بارے میں کون سے اہم راز بتاتا ہے؟ جانیے

کیا آپ جانتے ہیں کہ آپ کا انگوٹھا آپ کی شخصیت کے کئی راز افشا کر سکتا ہے؟ اگر نہیں تو آج ہم آپ کو بتائیں گے۔

 ماہرین کے مطابق انگوٹھے کی ساخت اور جھکاؤ مختلف نفسیاتی خصوصیات کی عکاسی کرتا ہے، جو فرد کی فطرت، رویے اور سوچ کو ظاہر کرتے ہیں۔

سیدھا اور متوازن "سلیمانی انگوٹھا” رکھنے والے افراد عام طور پر خودمختار، پرعزم اور ترقی کی راہ پر گامزن ہوتے ہیں۔ یہ لوگ اپنی رائے پر مضبوطی سے قائم رہتے ہیں اور دوسروں کی باتوں سے آسانی سے متاثر نہیں ہوتے۔ ان کی زندگی کا مرکز کامیابی حاصل کرنا اور قدرت کے قریب رہنا ہوتا ہے۔

"زنجانی انگوٹھا” وہ ہوتا ہے جو ناخن کی جانب قدرے جھکا ہوتا ہے۔ ایسے افراد محتاط، مستقبل بین اور مالی طور پر سمجھدار ہوتے ہیں۔ یہ کم دوست بناتے ہیں اور تعلقات میں نقصان بھی برداشت کرتے ہیں۔ اگرچہ وہ مسلسل محنت کرتے ہیں، لیکن کامیابی کا تناسب کم ہوتا ہے۔

"یزدانی انگوٹھا” والے افراد نرم دل اور جلد قائل ہونے والے ہوتے ہیں۔ یہ زندگی سے خوش رہنے کا ہنر جانتے ہیں اور حلال رزق کو ترجیح دیتے ہیں۔ ان کی فطرت میں قناعت اور اطمینان نمایاں ہوتا ہے۔

"اصفہانی انگوٹھے” والے افراد تبدیلی پسند، وسیع سوچ کے حامل اور خودمختار ہوتے ہیں۔ یہ لوگ گفتگو میں محتاط رہتے ہیں اور دوسروں پر انحصار کرنا پسند نہیں کرتے۔ ان کی زندگی کا محور آزادی اور نیا سوچنا ہوتا ہے۔

"سلطانی انگوٹھا” رکھنے والے افراد سادگی پسند، مطمئن مزاج اور حالات سے مطابقت پیدا کرنے والے ہوتے ہیں۔ یہ لوگ کم متاثر ہوتے ہیں اور ہر طرح کے حالات میں خود کو ڈھالنے کی صلاحیت رکھتے ہیں۔

ماہرین کا کہنا ہے کہ انگوٹھے کی ساخت شخصیت کا آئینہ بن سکتی ہے، تاہم یہ ایک عمومی مشاہدہ ہے اور ہر فرد کی شخصیت کئی دیگر عوامل پر بھی منحصر ہوتی ہے۔