محبوبہ کا فون مسلسل مصروف ہونے پر لڑکے نے علاقے کی بجلی کاٹ دی

 بھارت میں ایک انوکھا واقعہ اس وقت منظرِ عام پر آیا جب ایک نوجوان نے اپنی گرل فرینڈ سے فون پر بات نہ ہونے کے غصے میں پورے گاؤں کی بجلی ہی کاٹ دی۔

بھارتی میڈیا کے مطابق نوجوان بار بار رابطہ کرنے کی کوشش کرتا رہا لیکن لڑکی کا فون مسلسل مصروف رہا، اس پر برہم ہوکر وہ بجلی کے کھمبے پر چڑھ گیا اور پورے گاؤں کی بجلی کاٹ کر رکھ دی۔

نیکسٹ لیول ناراضگی، بھارت میں ایک ناراض عاشق نے محبوبہ کے گائوں کی بجلی کاٹ دی، وجہ محبوبہ کا فون بزی جا رہا تھا، ویڈیو وائرل۔۔!! pic.twitter.com/USbKdw2E0y

— Khurram Iqbal (@khurram143) September 3, 2025

سوشل میڈیا پر وائرل ہونے والی ویڈیو میں نوجوان کو کھمبے پر چڑھ کر بجلی کاٹتے ہوئے دیکھا جاسکتا ہے جبکہ اس دوران لوگوں کی حیرت اور تجسس بھی نمایاں تھا۔

رپورٹس کے مطابق لڑکے اور لڑکی کی شناخت سامنے نہیں آسکی، البتہ ویڈیو تیزی سے سوشل میڈیا پر شیئر ہورہی ہے جس پر صارفین دلچسپ تبصرے کررہے ہیں۔