مونا لیزا کا روپ دھارنے والا آملیٹ انٹرنیٹ پر وائرل

دنیا نے شاید یہ تسلیم کر لیا تھا کہ تخلیقی فن کی نئی کوئی شکل باقی نہیں رہی، لیکن انٹرنیٹ نے ایک بار پھر اس خیال کو غلط ثابت کر دیا ہے۔

حال ہی میں سوشل میڈیا پر ایک ویڈیو وائرل ہو رہی ہے جس میں ایک ماہر فوڈ آرٹسٹ نے انڈے سے ایسا منفرد اور خوبصورت آملیٹ بنایا ہے جو دیکھنے میں کسی عظیم مصوری کے شاہکار سے کم نہیں لگتا۔

ویڈیو میں دکھایا گیا ہے کہ اس فنکار نے روایتی آملیٹ بنانے کے بجائے انڈے کی زردی کو ایک ہاٹ پلیٹ (گرِڈل) پر باریک برش کی مدد سے اس طرح بکھیر دیا کہ وہ آہستہ آہستہ دنیا کے مشہور مصور لیونارڈو دا ونچی کی معروف پینٹنگ "مونا لیزا” کی تصویر میں بدل گئی۔

 

View this post on Instagram

 

A post shared by @artisticeasel

 اس عمل میں فنکار پہلے انڈہ توڑ کر زردی الگ کرتا ہے، پھر باریک برش کو زردی میں ڈبو کر پلیٹ پر نفاست سے لکیریں کھینچتا ہے۔ جب زردی سنہری بھورے رنگ میں بدل جاتی ہے تو باقی انڈہ اس کے اوپر ڈال دیا جاتا ہے، جس سے آملیٹ مونا لیزا کی خدوخال میں تبدیل ہو جاتا ہے۔

اس ویڈیو کے کیپشن میں فنکار نے مختصر مگر مؤثر الفاظ "آملیٹ دی وانچی” لکھے، جو انٹرنیٹ پر بے حد مقبول ہوئے اور لاکھوں لوگوں کے دل جیتنے میں کامیاب رہے۔ دلچسپ بات یہ ہے کہ یہ آئیڈیا کالینانی پریادرشنی نامی اداکارہ کے مداحوں کے لیے پہلے سے وائرل ہونے والے ایک آملیٹ پورٹریٹ سے متاثر ہو کر بنایا گیا تھا۔

جب یہ ویڈیو مقبول ہوئی تو کالینانی پریادرشنی نے خود بھی اس پوسٹ پر تبصرہ کرتے ہوئے فنکار کی تخلیقی صلاحیت کو سراہا اور کہا کہ یہ فن نہایت باریک بینی اور مہارت سے تخلیق کیا گیا ہے۔ اب تک اس ویڈیو کو 2 کروڑ 10 لاکھ سے زائد بار دیکھا جا چکا ہے اور اس کی مقبولیت میں مسلسل اضافہ ہو رہا ہے۔