سیفٹی پن کے نچلے حصے میں سوراخ کیوں ہوتا ہے؟ دلچسپ وجہ سامنے آگئی

سیفٹی پن ایک عام مگر نہایت کارآمد چیز ہے جس کا استعمال تقریباً ہر گھر میں کیا جاتا ہے۔

اکثر افراد نے سیفٹی پن کا استعمال کیا ہوتا ہے یا کم از کم اسے دیکھا ضرور ہوتا ہے، لیکن اس کی ساخت اور ڈیزائن پر بہت کم لوگ غور کرتے ہیں۔ عام طور پر سیفٹی پن میں دو سوراخ ہوتے ہیں، ایک اوپری حصے میں اور دوسرا نچلے حصے میں کوائل کے اندر۔ یہ سوراخ صرف ڈیزائن کا حصہ نہیں بلکہ ایک خاص مقصد کے تحت بنائے جاتے ہیں۔

اوپری حصے میں موجود سوراخ کا بنیادی کام پن پر دباؤ کو کم کرنا ہے، تاکہ اسے کھولنے اور بند کرنے کا عمل آسان ہو جائے۔ یہی سوراخ پن کی نوک کو میٹل شیلڈ میں محفوظ طریقے سے داخل اور خارج کرنے میں بھی مدد دیتا ہے۔

دوسری جانب نچلے حصے میں موجود سوراخ کا مقصد سیفٹی پن کو ٹوٹنے سے بچانا ہے۔ یہ سوراخ کوائل والے حصے پر لگنے والے اسپرنگ کے دباؤ کو متوازن کرتا ہے، اور اگر یہ نہ ہو تو پن اپنی ساخت برقرار نہیں رکھ سکتی۔ اس چھوٹے سے جزو کی اہمیت اس بات سے واضح ہوتی ہے کہ یہ نہ صرف پن کو زیادہ پائیدار بناتا ہے بلکہ اس کے محفوظ استعمال کو بھی یقینی بناتا ہے۔