برطانیہ سے چوری ہونیوالی گاڑی کراچی کیسے پہنچی؟پولیس کی دوڑیں لگ گئیں

کراچی کے علاقے صدر میں برطانیہ سے چوری کی گئی ایک مہنگی رینج روور گاڑی کا سراغ مبینہ طور پر لگایا گیا ہے۔

بین الاقوامی پولیس فورس انٹرپول میچسٹر نے برطانوی پولیس کی درخواست پر سندھ پولیس کو خط بھیجا ہے تاکہ اس لگژری گاڑی کی بازیابی میں تعاون کیا جائے۔

یہ گاڑی 22 نومبر 2022 کو ہروگیٹ (Harrogate) سے چوری ہوئی تھی۔

انٹرپول کی جانب سے ملنے والی معلومات کے مطابق، گاڑی کا ٹریکر ایک عرصے کے بعد 10 فروری 2025 کو کراچی میں دوبارہ فعال ہوا۔ آخری سگنل عزام بستی، کورنگی روڈ، صدر کے قریب ملے تھے۔

سندھ پولیس نے کار کی تلاش کے سلسلے میں کارروائیاں شروع کر دی ہیں، مگر ابھی تک اس بات کی تصدیق نہیں ہوئی کہ گاڑی قبضے میں لے لی گئی ہے یا نہیں۔