دنیا کا سب سے قیمتی لباس تیار؛ قیمت جان کر آپ دنگ رہ جائیں گے

دبئی کے معروف سُنار نے خالص سونے سے تیار کردہ دنیا کا سب سے قیمتی لباس بنا کر ایک نیا عالمی ریکارڈ قائم کر دیا ہے۔

 غیر ملکی میڈیا رپورٹس کے مطابق یہ منفرد لباس 21 قیراط سونے سے تیار کیا گیا ہے، جس میں 1 ہزار 270 گرام (44.8 اونس) سے زائد خالص سونا استعمال کیا گیا۔

اس پرتعیش لباس میں ایک دیدہ زیب تاج اور بالیاں بھی شامل ہیں، جبکہ اس کی تیاری میں سونے کے ساتھ ساتھ مختلف قیمتی پتھروں کا بھی استعمال کیا گیا ہے، جس سے اس کی دلکشی اور مالیت میں مزید اضافہ ہوا۔

 

View this post on Instagram

 

A post shared by Guinness World Records (@guinnessworldrecords)

رپورٹس کے مطابق اس مکمل لباس کا مجموعی وزن 10 ہزار گرام (355.6 اونس) سے زیادہ ہے، اور اس کی قیمت 1 ملین ڈالرز سے بھی تجاوز کر گئی ہے۔ یہ لباس نہ صرف فنِ زیورات کا شاہکار ہے بلکہ دنیا میں سونے سے تیار کردہ مہنگے ترین ملبوسات میں بھی شامل ہو چکا ہے، جو دبئی کی جیولری انڈسٹری کی تخلیقی صلاحیتوں کا واضح ثبوت ہے۔