افریقی ملک کیمرون میں انتخابی دنگل، معمر صدر کا جیت کا خواب

کیمرون میں حالیہ الیکشن میں 92 سال کے صدر پال بیا نے مسلسل آٹھویں مدت کے لیے میدان میں اترنے کا فیصلہ کرلیا۔

1960 میں فرانس سے آزادی کے بعد کیمرون کے دوسرے صدر پال بیا 1982 سے اقتدار میں ہیں اور اس وقت دنیا کے معمر ترین سربراہ مملکت ہیں۔

کیمرون کےصدرنے 2008 میں آئینی ترامیم کے ذریعے صدارتی مدت کی حد ہی ختم کردی تھی۔ وہ 2018 میں متنازع طور پر 71 فیصد ووٹ لے کر جیتے تھے۔

12 اکتوبر 2025 کو انتخابات میں پال بیا کے خلاف کئی اپوزیشن رہنماؤں نے بھی الیکشن لڑا تاہم انتخابات کے نتائج کا اعلان 26 اکتوبر تک ہونےکا امکان ہے۔

اگر کیمرون کے 92 سال کے صدر ایک بار پھر7 سال کے لیے منتخب ہوجاتے ہیں تو ان کی مدت کے اختتام پر ان کی عمر 99سال ہوگی۔