چور 7 منٹ میں دنیا کے مشہور ترین لوور میوزیم سے قیمتی زیورات لے اڑے
WebDesk
19 اکتوبر, 2025 21:27
پریس: چوروں نے دنیا کے مشہور ترین میوزیم سے چند منٹوں کے اندر انمول زیورات کو چرا لیا اور کامیابی سے فرار ہوگئے۔
فرانس کے وزیر داخلہ نے ایک ریڈیو انٹرویو کے دوران بتایا کہ چوروں نے پیرس کے لوور میوزیم میں 7 منٹ کے اندر قیمتی زیورات کو چوری کیا، ایک بڑی ڈکیتی لوور میوزیم کے اپولو روم میں 19 اکتوبر کی صبح ہوئی، چند افراد باہر سے ایک ایلیویٹر استعمال کرکے میوزیم میں داخل ہوئے ۔
فرانسیسی وزیر ثقافت Rachida Dati کے مطابق اپولو روم میں فرانسیسی شاہی زیورات اور دیگر نایاب نوادرات موجود ہیں، زیور کا ایک ٹکڑا میوزیم کے قریب سے ملا۔
فرانسیسی وزیر داخلہ کے مطابق چوروں نے ایک کھڑکی کو کاٹ کر زیورات کو چرالیا جن کی مالیت انمول ہے، ان کے مطابق یہ واردات 3 سے 4 افراد نے کی۔
وزارت داخلہ کی جانب سے جاری بیان کے مطابق چوری کی گئی اشیا کی تفصیلی فہرست مرتب کی جا رہی ہے، جن کی ثقافتی اور تاریخی قدر کا تعین نہیں کیا جاسکتا۔
فرانسیسی وزارت داخلہ کے مطابق یہ واقعہ مقامی وقت کے مطابق صبح ساڑھے 9 بجے پیش آیا اور میوزیم کو وہاں موجود افراد سے خالی کرالیا گیا، پیرس کا یہ میوزیم دنیا کے مشہور ترین آرٹ ورکس بشمول مونا لیزا پینٹنگ کا گھر ہے اور اسے 19 اکتوبر کو بند رکھا جائے گا۔
Catch all the دلچسپ و عجیب News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
