کوئٹہ میں افق پر مختلف رنگوں کی روشنیوں کا ہالہ کیوں بنا تھا، وجہ سامنے آگئی

آج صبح کے اوقات میں کوئٹہ، نوشکی اور دالبندین سمیت مختلف علاقوں میں افق پرمختلف زاویوں سےرنگوں کا ہالہ 6 بجکر 20منٹ پر افق سے غائب ہوا۔

🛑 کوئٹہ میں آج صبح آسمان پر حیرت انگیز نظارہ دیکھا گیا..
یہ دلکش "فائر رینبو”🌈 دراصل بادلوں میں بننے والا ایک نایاب منظر ہے جسے Cloud Iridescence کہا جاتا ہے ☁️
کیا آپ نے کبھی یہ نظارہ اپنی زندگی میں دیکھا ہے؟

©️ Muddasir Jameel pic.twitter.com/bfPIfJYuZb

— WeatherWalay (@weatherwalay) October 28, 2025

جس کے بعد مختلف زاویوں سے بننے والے رنگوں کے ہالے کی ویڈیوز  اور تصاویر سوشل میڈیا پر وائرل ہوگئیں۔

ترجمان محکمہ موسمیات انجم نذیر کے مطابق آج صبح 6 بج کر 20 منٹ کر  کوئٹہ کے مشرقی پہاڑی سلسلے کوہ مردار کے اوپر لینٹیکیولر بادل کی تشکیل دیکھی گئی،اسی بادل کی تصاویر اور ویڈیو ز سوشل میڈیا پر وائرل ہوگئیں۔

انجم نذیر کا کہنا تھا کہ یہ دراصل لینٹیکیولر بادل ہوتے ہیں یہ ساکن عدسے کی شکل کے بادل ہوتے ہیں جو پہاڑوں کی ہوا کے مخالف سمت میں بنتے ہیں۔

جب مستحکم اور نم ہوا ان کے اوپر سے گزرتی ہے، یہ ہوا کا بہاؤ فضائی لہریں پیدا کرتا ہے اور بادل اُن چوٹیوں پر بنتے ہیں جہاں ہوا اپنے نقطۂ شبنم تک ٹھنڈی ہوجاتی ہے جبکہ نچلی جگہوں پر بخارات بن کر غائب ہو جاتے ہیں۔

یہ ٹھہرے ہوئے لہر نما بادل بعض اوقات اپنی ہموار، اُڑن طشتری جیسی شکل کی وجہ سے UFOs (نامعلوم فضائی اشیا) سمجھے جاتے ہیں۔