مچھر ہر وقت آپ کو ہی کیوں کاٹتے ہیں؟ سائنسدان بالآخر وجہ جاننے میں کامیاب ہوگئے

سائنسدانوں مچھروں کے انسانی خون چوستے رہنے کے رویے کی اصل وجہ سامنے لے آئے ہیں۔

 جارجیا ٹیک اور میساچوسٹس انسٹیٹیوٹ آف ٹیکنالوجی کی مشترکہ تحقیق میں یہ معلوم ہوا کہ مچھر اپنی پرواز اور ہدف کا تعین کاربن ڈائی آکسائیڈ اور انسانی جسم کی روشنی کی بنیاد پر کرتے ہیں۔

تحقیق کے دوران مچھروں کی پرواز کو 3 ڈی تصاویر اور انفرا ریڈ کیمروں کے ذریعے ریکارڈ کیا گیا۔ ماہرین نے مختلف تجربات کیے تاکہ یہ جان سکیں کہ مچھر کن عوامل کی وجہ سے کسی انسان کی جانب زیادہ راغب ہوتے ہیں۔

 نتائج سے پتہ چلا کہ مچھر خاص طور پر سر اور کندھوں کے قریب جمع ہوتے ہیں، کیونکہ یہ ان کے لیے سب سے زیادہ پسندیدہ ہدف ہیں۔

تجربات میں دیکھا گیا کہ مچھر سیاہ رنگ کی چیزوں کی جانب زیادہ راغب ہوتے ہیں جبکہ سفید یا ہلکے رنگ کم توجہ حاصل کرتے ہیں۔ اس کے علاوہ جب سیاہ رنگ اور کاربن ڈائی آکسائیڈ کو اکٹھا کیا گیا، تو مچھر بڑی تعداد میں جمع ہوئے اور خون چوستے رہے۔

محققین نے اس مشابہت کو لوگوں کے ہوٹل یا اجتماع میں اکٹھے ہونے سے جوڑا۔ جیسے لوگ کھانے یا ملاقات کے لیے جمع ہوتے ہیں، مچھر بھی ماحول اور انسانی موجودگی کی بنیاد پر جمع ہوتے ہیں، نہ کہ ایک دوسرے کا تعاقب کرتے ہیں۔

ماہرین کا کہنا ہے کہ اس تحقیق سے مچھروں کی روک تھام کے مؤثر طریقے اپنانے میں مدد ملے گی۔ وہ مشورہ دیتے ہیں کہ اگر کسی خالی جگہ میں کاربن ڈائی آکسائیڈ کو جاری کیا جائے تو مچھر کی توجہ کم ہو سکتی ہے۔

 اس تحقیق کے نتائج جرنل سائنس ایڈوانسز میں شائع ہوئے ہیں اور مزید تجربات کی ضرورت پر بھی زور دیا گیا ہے۔