آئی ایم ایف اور پاکستان حتمی نتیجے کے قریب پہنچ گئے
24 جون, 2023 16:55
بین الاقوامی مالیاتی فنڈ (آئی ایم ایف) اور پاکستان حتمی ڈیل کے قریب پہنچ گئے، باضابطہ اعلان جلد متوقع ہے۔
ذرائع کے مطابق پاکستان اور آئی ایم ایف کے درمیان نویں جائزے اور پروگرام بحالی کی راہ میں رکاوٹیں دور ہو گئیں۔
وزیرِ اعظم شہباز شریف اور مینجنگ ڈائریکٹر (ایم ڈی) آئی ایم ایف کے درمیان پیرس میں رابطوں اور ملاقاتوں سے بریک تھرو ہوا۔
ذرائع کا کہنا ہے کہ وزارت خزانہ اور آئی ایم ایف ٹیم کے درمیان 3 دن سےمذاکرات جاری تھے، جمعے اور ہفتے کی درمیانی شب بات چیت اور نئے ڈرافٹ کی تیاری کا عمل جاری رہا۔
وزیرِ خزانہ اسحاق ڈار اور ان کی ٹیم گزشتہ 3 دن سے معاملات طے کرنے میں مصروف تھے۔
ذرائع نے دعویٰ کیا ہے کہ ہفتے کی صبح آئی ایم ایف اور وزارت خزانہ کی ٹیم نے نئے ڈرافٹ کو حتمی شکل دی ہے، آئی ایم ایف اور پاکستان کے درمیان مزید مسئلہ یا تکنیکی دقت نہ ہوئی تو نواں جائزہ تکمیل کو پہنچ جائے گا۔
یہ پڑھیں : بجٹ تجاویز آئی ایم ایف کے حوالے، پاکستان کی جون میں معاہدے کی کوشش
Catch all the بریکنگ نیوز News, معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
