پاکستان میں سونے کی قیمت میں ہزاروں روپے کا اضافہ

پاکستان بھر میں سونے کی قیمت میں ہزاروں روپے کا بڑا اضافہ ہوگیا جس کے بعد فی تولہ 2 لاکھ 48ہزار 100 روپے کا ہوگیا۔

پاکستان جیمز  اینڈ جیولر ایسوسی ایشن کے مطابق ملک بھر میں سونے کی فی تولہ قیمت 3 ہزار 100روپے اضافے کے بعد 2 لاکھ 48 ہزار 100 روپے ہو گئی ہے۔

ایسوسی ایشن کے مطابق 10 گرام سونے کی قیمت میں 2 ہزار 658 روپے کا اضافہ ہوا ہے جس کے بعد سونا بازار میں 2 لاکھ 12 ہزار 706 روپے میں فروخت ہو رہا ہے۔

دوسری جانب عالمی صرافہ مارکیٹ میں سونا 30 ڈالر اضافے کے بعد 2414 فی اونس ہے۔

مزید پڑھیں:نقل کی کوریج پر اسکول کا جی ٹی وی نیوز ٹیم پر تشدد اور سنگین نتائج کی دھمکیاں

گزشتہ روز آل پاکستان جیمز اینڈ جیولرز ایسوسی ایشن کے مطابق ایک تولہ سونے کا بھاؤ 600 روپے کم ہوا ہے جس کے بعد ملک میں فی تولہ سونا 2 لاکھ 45 ہزار روپے پر آگیا تھا۔

ایسوسی ایشن کے مطابق 10 گرام سونے کی قدر 514 روپے گھٹ کر 2 لاکھ 10 ہزار 48 روپے ہوگئی جب کہ فی تولہ چاندی 2730 روپے پر مستحکم ہے۔

واضح رہے کہ گزشتہ روز پاکستان میں فی تولہ سونا 1600 روپے مہنگا ہو کر 2 لاکھ 45 ہزار 600 روپے پر پہنچ گیا تھا۔