ملک میں سونا مزید مہنگا، قیمت نے تمام ریکارڈ توڑ دیے

24 فروری, 2025 14:51

ملک میں سونا مزید مہنگا، قیمت نے تمام ریکارڈ توڑ دیے

دس گرام اور ایک تولہ سونے کی قیمت میں بڑی کمی

ملک میں آج سونے کی فی تولہ قیمت میں 1500 روپے کا اضافہ ریکارڈ کیا گیا ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے پہلے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1500 روپے اضافے کے ساتھ 3 لاکھ 9 ہزار 500 روپے ہوگئی ہے۔

10 گرام سونے کی قیمت 1286 روپے اضافے سے 2 لاکھ 65 ہزار 346 روپے کا ہوگئی ہے۔

عالمی مارکیٹ میں سونا 12 ڈالر کے اضافے سے 2948 ڈالر فی اونس کا ہوگیا جبکہ چاندی کی فی تولہ قیمت 15 روپے اضافے سے 3 ہزار 395 روپے ہو گئی۔