سونے کی قیمت میں ایک بار پھر بڑا اضافہ ہوگیا

05 مارچ, 2025 15:42

سونے کی قیمت میں ایک بار پھر بڑا اضافہ ہوگیا

سونے کی قیمت میں ایک دم بڑی کمی

عالمی و مقامی منڈیوں میں سونے کی قیمتوں میں ایک بار پھر اضافہ دیکھا گیا ہے۔

آل پاکستان صرافہ جیولرز ایسوسی ایشن کے مطابق 24 کیرٹ فی تولہ سونا 700 روپے مہنگا ہو کر 3 لاکھ 7 ہزار روپے ہو گیا ہے۔ اسی طرح 10 گرام سونے کی قیمت میں 601 روپے کا اضافہ ہوا ہے جس کے بعد 10 گرام سونے کی قیمت 2 لاکھ 63 ہزار 203 روپے ہو گئی ہے۔

عالمی منڈی میں بھی سونے کی قیمتوں میں اضافہ ہوا ہے۔ بین الاقوامی مارکیٹ میں فی اونس سونے کی قیمت 5 ڈالر بڑھ کر 2 ہزار 921 ڈالر ہو گئی ہے۔ یہ اضافہ عالمی سطح پر معاشی عدم استحکام، ڈالر کی قدر میں کمی، اور سرمایہ کاروں کے سونے میں بڑھتی ہوئی دلچسپی کی وجہ سے دیکھا جا رہا ہے۔