بجلی صارفین کیلئے ایک اور اچھی خبر آگئی

بجلی صارفین کیلئے ایک اور اچھی خبر آگئی ہے۔

بجلی صارفین کو بڑا ریلیف دینے کی تیاری مکمل کر لی گئی ہے، جس کے تحت صارفین کو 51 ارب 49 کروڑ روپے سے زائد کی مالی امداد دی جائے گی۔

 بجلی تقسیم کار کمپنیوں نے تیسری سہ ماہی ایڈجسٹمنٹ کے تحت یہ درخواست نیشنل الیکٹرک پاور ریگولیٹری اتھارٹی (نیپرا) میں جمع کرائی ہے، جس پر 29 اپریل کو سماعت ہوگی۔

اس ریلیف کا بڑا حصہ 47 ارب 12 کروڑ روپے کیپسٹی پیمنٹس میں کمی کی شکل میں دیا جائے گا۔ اس کے علاوہ ٹرانسمیشن اور ڈسٹری بیوشن کے نقصانات میں کمی سے 2 ارب 4 کروڑ روپے، مین یوز آف سسٹم چارجز اور مارکیٹنگ فیس میں 1 ارب 80 کروڑ روپے جبکہ ریکوری آف فکسڈ کاسٹ کے تحت 17 کروڑ روپے کا اضافی ریلیف دیا جائے گا۔

یہ اقدام اس وقت سامنے آیا ہے جب رواں مالی سال کی دوسری سہ ماہی میں صارفین کو 56 ارب 38 کروڑ روپے کی پہلی ریلیف دی جا چکی ہے، جس کے تحت بجلی کی فی یونٹ قیمت میں 1 روپے 90 پیسے کی کمی کی گئی تھی۔ ساتھ ہی مارچ کی فیول ایڈجسٹمنٹ کے تحت بجلی کی قیمت میں مزید 3 پیسے فی یونٹ کمی کی ایک علیحدہ درخواست بھی نیپرا میں جمع کرائی گئی ہے۔