پیٹرولیم مصنوعات کی قیمتوں سے متعلق پریشان کن خبر آگئی

عالمی منڈی میں خام تیل کی قیمتوں میں ایک بار پھر اضافہ ریکارڈ کیا گیا ہے۔

گزشتہ روز لندن انٹرکانٹینینٹل ایکسچینج میں کاروباری سرگرمیوں کے دوران برینٹ کروڈ خام تیل کی قیمت 0.40 ڈالر کے اضافے کے ساتھ 68.84 ڈالر فی بیرل ہو گئی، جبکہ نیویارک مرکنٹائل ایکسچینج میں لائٹ کروڈ آئل (ڈبلیو ٹی آئی) کی قیمت 0.34 ڈالر کے اضافے سے 65.50 ڈالر فی بیرل ریکارڈ کی گئی۔

دوسری جانب یورپی یونین اور امریکہ کے درمیان ٹیرف معاہدے کے بعد یورپ اور ایشیا کی اسٹاک مارکیٹس میں نمایاں بہتری دیکھنے میں آئی۔ اس معاہدے کے تحت امریکہ یورپی مصنوعات پر 15 فیصد بنیادی ٹیرف عائد کرے گا۔ امریکی صدر ڈونلڈ ٹرمپ نے معاہدے کو تاریخ کا ممکنہ طور پر سب سے بڑا معاہدہ قرار دیتے ہوئے کہا کہ یہ دونوں خطوں کے لیے مفید ثابت ہوگا۔

نئے ٹیرف کے دائرہ کار میں یورپی گاڑیاں، ادویات اور سیمی کنڈکٹرز شامل ہوں گے، جبکہ یورپی یونین نے اس معاہدے کے تحت امریکہ میں 600 ارب ڈالر کی اضافی سرمایہ کاری پر بھی آمادگی ظاہر کی ہے۔ یہ پیش رفت عالمی تجارتی ماحول میں ایک مثبت قدم قرار دی جا رہی ہے۔