پرانی موٹر سائیکل کے بدلے یاماہا کی نئی بائیک دینے کی خصوصی اسکیم!! فائدہ اٹھانے کا طریقہ جانیے

یاماہا موٹر پاکستان نے اپنے صارفین کے لیے خصوصی ایکسچینج آفر کا اعلان کیا ہے، جس کے تحت صارفین اپنی موجودہ موٹر سائیکل مخصوص ڈیلرشپس پر جمع کروا کر نئی یاماہا بائیک حاصل کر سکتے ہیں۔

کمپنی کا مقصد صارفین کو نجی خرید و فروخت کی مشکلات، خریدار تلاش کرنے، قیمت پر مذاکرات اور غیر یقینی صورتحال سے نجات دلانا ہے۔ اس اسکیم کے ذریعے یاماہا صارفین کو زیادہ قابل اعتماد، جدید طرز اور آرام دہ سواری فراہم کرنے کی کوشش کر رہی ہے۔

تاہم یہ سہولت فی الحال صرف مخصوص ڈیلرشپس پر دستیاب ہے، اس لیے صارفین کو مشورہ دیا گیا ہے کہ وہ پہلے دستیابی کی تصدیق کر لیں۔ اس اعلان کے ساتھ ہی یاماہا موٹر پاکستان نے اپنی کاروباری پالیسی میں تبدیلی کا بھی اعلان کیا ہے، جس کے تحت ملک میں موٹر سائیکلوں کی مقامی تیاری بند کی جا رہی ہے۔

 کمپنی نے صارفین کی برسوں کی وفاداری اور تعاون کا شکریہ ادا کرتے ہوئے کہا ہے کہ کاروباری حکمت عملی میں تبدیلی کی وجہ سے یہ فیصلہ کیا گیا ہے۔