سیمنٹ کی قیمتوں سے متعلق بڑی خبر آگئی

پاکستان کے مختلف شہروں میں سیمنٹ کی قیمتوں میں معمولی کمی دیکھی گئی ہے، جبکہ جنوبی شہروں میں قیمتیں مستحکم رہیں۔

پاکستان بیورو آف اسٹیٹسٹکس کے تازہ اعدادوشمار کے مطابق شمالی پاکستان میں 50 کلو گرام کے تھیلے کی اوسط قیمت 1390 روپے ریکارڈ کی گئی ہے جو کہ گزشتہ ہفتے کی 1391 روپے سے 0.07 روپے کم ہے۔ اس کے برعکس جنوبی شہروں میں سیمنٹ کی قیمتیں بغیر کسی تبدیلی کے 1443 روپے فی بیگ پر مستحکم رہیں۔

شہروں کی سطح پر قیمتوں کا جائزہ لیا جائے تو اسلام آباد میں سیمنٹ کی فی بوری کی قیمت 1367 روپے، راولپنڈی میں 1372 روپے، گوجرانوالہ میں 1420 روپے اور سیالکوٹ میں 1410 روپے ہے۔ لاہور میں قیمت 1443 روپے، فیصل آباد 1380 روپے، سرگودھا 1370 روپے، ملتان 1424 روپے، بہاولپور 1450 روپے، پشاور 1350 روپے اور بنوں میں 1300 روپے فی بوری ریکارڈ کی گئی ہے۔

جنوبی علاقوں میں کراچی میں سیمنٹ کی قیمت 1367 روپے، حیدرآباد 1427 روپے، سکھر 1465 روپے، لاڑکانہ 1407 روپے، کوئٹہ 1510 روپے اور خضدار میں 1483 روپے فی بوری ہے۔ مجموعی طور پر سیمنٹ کی قیمتوں میں معمولی کمی کے باوجود جنوبی علاقوں میں استحکام دکھائی دیتا ہے۔