سونے کی قیمت میں بڑی کمی، فی تولہ کتنے کا ہوگیا؟

ملک میں آج سونے کی فی تولہ قیمت میں 2400 روپے کمی ریکارڈ کی گئی ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے تیسرے روز سونے کی قیمت میں زبردست کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 2400 روپے کمی کے بعد 3 لاکھ 88 ہزار 600 روپے ہوگئی ہے جبکہ 10 گرام سونے کی قیمت 2058 روپے کمی کے بعد 3 لاکھ 33 ہزار 161 روپے ہوگئی ہے۔