قومی بچت اسکیموں میں منافع کی شرح میں ردوبدل کر دیا گیا

قومی بچت اسکیمز میں سرمایہ کاروں کے لیے منافع کی شرحوں میں رد و بدل کا فیصلہ کر لیا گیا ہے۔

سینٹرل ڈائریکٹوریٹ آف نیشنل سیونگز کی جانب سے جاری کردہ نوٹیفکیشن کے مطابق اسکیمز میں سرمایہ کاروں کے لیے منافع کی شرحوں میں رد و بدل کرتے ہوئے نئی شرح منافع کا اطلاق فوری طور پر کر دیا گیا ہے۔

جاری کردہ اعلامیے کے مطابق شارٹ ٹرم سیونگز اسکیم پر منافع کی شرح میں معمولی کمی کی گئی ہے، جو 10.6 فیصد سے کم ہو کر 10.42 فیصد کر دی گئی ہے۔ اس کے برعکس، سروا اسلامک سیونگ اکاؤنٹ اور سروا اسلامک ٹرم اکاؤنٹ پر سالانہ منافع کی شرح 9.50 فیصد سے بڑھا کر 9.92 فیصد کر دی گئی ہے، جو اسلامی سرمایہ کاری کرنے والے صارفین کے لیے ایک مثبت پیش رفت سمجھی جا رہی ہے۔

اس کے علاوہ ڈیفنس سیونگز سرٹیفکیٹس پر منافع کی شرح میں 12 بیس پوائنٹس کی کمی کی گئی ہے، جس کے بعد یہ شرح 11.54 فیصد سے کم ہو کر 11.42 فیصد ہو گئی ہے۔