کاروباری افراد کیلئے بڑے خطرے کی گھنٹی بج گئی

پاکستان میں چھوٹے اور درمیانے درجے کے کاروبار تیزی سے بڑھتے ہوئے سائبر حملوں کی زد میں آ رہے ہیں۔

ماہرین نے خبردار کیا ہے کہ اگر فوری اور مؤثر اقدامات نہ کیے گئے تو یہ حملے کاروباری نظام کو ناقابل تلافی نقصان پہنچا سکتے ہیں۔ ایک معروف عالمی سائبر سکیورٹی ادارے کی رپورٹ کے مطابق حالیہ مہینوں میں ایسے پیچیدہ حملوں میں اضافہ دیکھا گیا ہے جن میں جائز سافٹ ویئر کو ہیکنگ کے لیے استعمال کیا جا رہا ہے تاکہ روایتی سکیورٹی نظام کو چکمہ دیا جا سکے۔

 پاکستان میں چھوٹے اور درمیانے درجے کے بیشتر کاروبار جدید حفاظتی نظام کے خرچ برداشت کرنے اور تربیت یافتہ ماہرین کی ٹیم رکھنے سے قاصر ہیں، جس کی وجہ سے یہ کاروبار سائبر حملہ آوروں کے لیے آسان شکار بن چکے ہیں۔

 اس صورتحال کے پیش نظر، سکیورٹی کمپنی نے دو نئے کم لاگت اور مؤثر حل، Kaspersky Next XDR Optimum اور MXDR Optimum متعارف کرائے ہیں جو خودکار نگرانی، فوری خطرے کی شناخت اور فعال ردعمل کی سہولت فراہم کرتے ہیں۔ یہ سسٹمز کلاؤڈ اور مقامی دونوں پلیٹ فارمز پر کام کرنے کی صلاحیت رکھتے ہیں اور خاص طور پر اُن اداروں کے لیے موزوں ہیں جن کے پاس آئی ٹی نظام موجود ہے مگر سیکیورٹی کے حوالے سے بہتری کی ضرورت ہے۔