پیٹرولیم مصنوعات کی قیمتوں سے متعلق تشویشناک خبر آگئی

یکم اکتوبر سے پیٹرولیم مصنوعات کی قیمتوں میں ایک بار پھر اضافے کا امکان ظاہر کیا جا رہا ہے۔

آئل انڈسٹری ذرائع کے مطابق پیٹرول کی قیمت میں 1.97 روپے فی لیٹر، ہائی اسپیڈ ڈیزل میں 2.48 روپے فی لیٹر، لائٹ ڈیزل آئل میں 1.76 روپے فی لیٹر جبکہ مٹی کے تیل کی قیمت میں 4.65 روپے فی لیٹر اضافے کا امکان ہے۔

اوگرا نے قیمتوں میں یہ تجویز پیٹرولیم ڈویژن کے ذریعے وزارت خزانہ کو بھیج دی ہے، جہاں سے سمری وزیراعظم کو حتمی منظوری کے لیے ارسال کی جائے گی۔ نئی قیمتوں کا اعلان وزیراعظم کی منظوری کے بعد کیا جائے گا۔

یاد رہے کہ حکومت نے 16 ستمبر کو پیٹرول کی قیمت میں کوئی تبدیلی نہیں کی تھی جبکہ ہائی اسپیڈ ڈیزل کی قیمت میں 2.78 روپے فی لیٹر اضافہ کیا گیا تھا۔