سونے کی قیمت نے تمام ریکارڈ توڑدیئے؛ تاریخی اضافہ، فی تولہ کتنے کا ہوگیا؟

ملک میں آج سونے کی فی تولہ قیمت میں 6900روپے اضافہ ریکارڈ کیا گیا ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے دوسرے روز سونے کی قیمت میں بڑا اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں 24 قیراط فی تولہ سونے کی قیمت 6900روپے اضافے کے بعد 4 لاکھ 35ہزار100  روپے ہوگئی جبکہ 10 گرام سونے کی قیمت 5,423 روپے بڑھ کر 3 لاکھ 41 ہزار 954 روپے  ہو گئی ہے۔

دوسری جانب بین الاقوامی مارکیٹ میں بھی سونے کی قیمت میں اضافہ ہوا، جہاں سونا 69 ڈالر کے اضافے کے بعد فی اونس 4,140 ڈالر کی نئی ریکارڈ سطح پر پہنچ گیا۔