سونے کی قیمت بلندی کی نئی حدیں چھو گئی؛ آج پھر بڑا اضافہ ہوگیا
WebDesk
15 اکتوبر, 2025 13:10
Gold prices in Pakistan Today - October 15, 2025
ملک میں سونے کی قیمتوں نے ایک بار پھر اونچی اڑان بھر لی ہے۔ آج بھی قیمتی دھاتوں کی منڈی میں بڑا اضافہ دیکھا گیا۔
عالمی مارکیٹ میں بھی سونا مزید مہنگا ہو گیا۔ فی اونس سونے کی قیمت اچانک 58 ڈالر بڑھ کر 4 ہزار 198 ڈالر کی نئی بلند ترین سطح پر پہنچ گئی۔
اس اضافے کا اثر فوری طور پر پاکستان کی مقامی مارکیٹ پر بھی پڑا۔ صرافہ بازاروں میں 24 قیراط فی تولہ سونا 5 ہزار 800 روپے مہنگا ہو کر 4 لاکھ 40 ہزار 900 روپے کا ہو گیا۔ یہ ملکی تاریخ کی اب تک کی سب سے زیادہ قیمت ہے۔
فی 10 گرام سونے کی قیمت میں بھی نمایاں اضافہ ہوا۔ 10 گرام سونا 4 ہزار 972 روپے بڑھ کر 3 لاکھ 78 ہزار روپے تک پہنچ گیا۔
صرف سونا ہی نہیں، چاندی بھی پہلی بار ریکارڈ سطح تک جا پہنچی۔ فی تولہ چاندی 90 روپے مہنگی ہو کر 5 ہزار 337 روپے کی بلند ترین قیمت پر پہنچ گئی۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
