کم تنخواہ دار طبقے کو وزیر خزانہ نے بڑی خوشخبری سنا دی

وفاقی وزیر خزانہ محمد اورنگزیب نے کم تنخواہ دار طبقے کے لیے انکم ٹیکس کی کٹوتیوں میں کمی کا اعلان کردیا ہے۔ اس فیصلے سے ملک بھر کے کم تنخواہ دار افراد کو براہ راست فائدہ پہنچے گا۔

وفاقی وزیر خزانہ محمد اورنگزیب کا کہنا ہے کہ حکومت دیگر تنخواہ دار افراد کے لیے بھی ریلیف دینے کے لیے اقدامات کر رہی ہے، ورلڈ بینک نے پاکستان کی ٹیکس اصلاحات پر خوشی کا اظہار کیا ہے اور اس کی تعریف کی ہے۔ گزشتہ سال ہول سیل اور ریٹیلرز سے ٹیکس کلیکشن میں 100 فیصد اضافہ ہوا ہے، جس کا کریڈٹ ڈیجیٹلائزیشن کو دیا گیا ہے۔

انہوں نے کہا کہ ڈیجیٹلائزیشن کی بدولت گرے اکانومی میں کمی آئی ہے اور ٹیکس کی وصولی میں بھی اضافہ ہوا ہے۔ ورلڈ بینک کو اس بات کی اطلاع دی گئی کہ ڈیجیٹلائزیشن کی وجہ سے پاکستان کی معیشت میں استحکام آیا ہے۔ اگرچہ موسمیاتی تبدیلی کی وجہ سے ملک میں سیلاب اور اسموگ کے واقعات بڑھتے جا رہے ہیں، لیکن اس کے اثرات معیشت پر بھی مرتب ہو رہے ہیں۔

محمد اورنگزیب نے کہا کہ حکومت نے دو سالوں میں 4 بلین ڈالر کا بیک ڈراپ نکالنے میں کامیابی حاصل کی ہے۔ یہ کامیابی اس بات کو ظاہر کرتی  ہے کہ پاکستان نے اپنے معاشی مسائل کو بہتر انداز میں حل کیا ہے۔

وزیر خزانہ نے کہا کہ ملک اب معاشی طور پر اپنے پاؤں پر کھڑا ہے۔ اگر تعمیر نو کے لیے عالمی اداروں سے تعاون کی ضرورت پڑی تو حکومت ان سے مدد لینے کے لیے تیار ہے۔