گھی اور کوکنگ آئل کی قیمتوں سے متعلق بڑی خبر آگئی
WebDesk
27 اکتوبر, 2025 15:29
Big news has come regarding the prices of ghee and cooking oil
لاہور شہر میں گھی اور کوکنگ آئل کی قیمتوں میں استحکام آ چکا ہے۔
مارکیٹ ذرائع کے مطابق اس ہفتے گھی کی کم سے کم قیمت فی کلو 420 روپے جبکہ زیادہ سے زیادہ 520 روپے تک ریکارڈ کی گئی ہے۔ اسی طرح کوکنگ آئل کی کم قیمت فی کلو 550 روپے اور زیادہ قیمت 590 روپے تک رہی۔ ایک ماہ کے دوران ان دونوں اشیاء کی قیمتوں میں اوسطاً 4 سے 5 روپے فی کلو کا اضافہ ہوا، تاہم حالیہ دنوں میں ان قیمتوں میں مزید تبدیلی نہیں آئی۔
تاجروں اور دکانداروں کا کہنا ہے کہ بین الاقوامی مارکیٹ میں پام آئل کی قیمتوں میں معمولی اتار چڑھاؤ آیا ہے لیکن مقامی سطح پر قیمتوں میں استحکام رہا ہے۔ ان کے مطابق ڈالر کی قدر میں استحکام اور حکومتی اقدامات کی وجہ سے درآمدی لاگت میں کمی آئی ہے، جس کے باعث مقامی طور پر گھی اور آئل کی قیمتوں پر دباؤ کم ہوا ہے۔
دوسری جانب لاہور کے شہریوں کا کہنا ہے کہ اگرچہ قیمتوں میں استحکام ایک مثبت تبدیلی ہے، مگر اب بھی گھی اور کوکنگ آئل عام صارفین کی پہنچ سے باہر ہیں۔ ان کا کہنا ہے کہ چند ماہ قبل یہی اشیاء کم قیمت پر دستیاب تھیں، مگر عالمی منڈی میں خام تیل کی قیمتوں میں اضافے اور ٹرانسپورٹ کے اخراجات میں اضافے کی وجہ سے ان اشیاء کی قیمتیں بڑھ گئیں، جس کا اثر گھریلو بجٹ پر پڑا ہے۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
