قسطوں پر موٹرسائیکل خریدنے کے خواہشمند افراد کیلئے بڑی خوشخبری

بینک الفلاح نے اپنے صارفین کے لیے ہونڈا موٹر سائیکلوں کی خریداری مزید آسان بنا دی ہے۔

بینک الفلاح نے ایک نیا فنانسنگ پلان متعارف کروایا ہے جس کے تحت صارفین زیرو فیصد مارک اپ پر اپنی پسند کی ہونڈا بائیک حاصل کرسکتے ہیں۔ یہ آفر محدود مدت کے لیے جاری کی گئی ہے، تاکہ زیادہ سے زیادہ افراد اس سہولت سے فائدہ اٹھا سکیں۔

بینک کے مطابق یہ منصوبہ اُن صارفین کے لیے بہترین ہے جو پوری رقم ایک ساتھ ادا نہیں کرنا چاہتے۔ اب خریدار صرف بینک الفلاح کے کریڈٹ کارڈ کے ذریعے آسان ماہانہ اقساط میں موٹر سائیکل خرید سکتے ہیں۔ اس اسکیم میں مختلف مدت کے اقساط پلان بھی شامل ہیں، تاکہ صارف اپنی سہولت کے مطابق آپشن منتخب کرسکے۔

پیشکش میں ہونڈا کی تین معروف موٹر سائیکلیں شامل ہیں، جن میں CD 70، CG 125 اور CG 150 شامل ہیں۔

بینک نے ہر ماڈل کے لیے علیحدہ ماہانہ قسط مقرر کی ہے۔ CD 70 کی قسط 26,650 روپے، CG 125 کی قسط 39,750 روپے جبکہ CG 150 کے لیے ماہانہ ادائیگی 76,650 روپے رکھی گئی ہے۔

اگرچہ اسکیم مکمل طور پر زیرو مارک اپ پر مبنی ہے، لیکن پروسیسنگ فیس اور فیڈرل ایکسائز ڈیوٹی ادا کرنا ہوگی۔ بینک کا کہنا ہے کہ آفر صرف مخصوص ماڈلز تک محدود ہے اور اسٹاک کی دستیابی پر منحصر ہوگی، اسی لیے صارفین کو جلد درخواست دینے کا مشورہ دیا جا رہا ہے۔

مزید رہنمائی کے لیے صارفین بینک الفلاح کی ہیلپ لائن 111-225-111-021 پر رابطہ کر سکتے ہیں۔ بینک نے واضح کیا ہے کہ یہ سہولت مختصر مدت کے لیے ہے اور اس پر مخصوص شرائط و ضوابط بھی لاگو ہوں گے۔

موجودہ مہنگائی کے دور میں بلاسود اقساط ایک بڑی سہولت ثابت ہوسکتی ہیں۔ اس سے نہ صرف موٹر سائیکل کی فروخت بڑھے گی بلکہ وہ صارفین بھی آسانی سے بائیک خرید سکیں گے جن کے پاس یکمشت رقم ادا کرنے کی گنجائش نہیں ہے۔

یہ اسکیم اُن افراد کے لیے ایک اچھا موقع ہے جو محدود بجٹ کے باوجود ہونڈا بائیک خریدنے کے خواہش مند ہیں۔ تاہم خریداروں کو مشورہ دیا گیا ہے کہ درخواست دینے سے پہلے تمام شرائط کا مکمل جائزہ ضرور لے لیں۔