سیمنٹ سے متعلق بڑی خبر آگئی
WebDesk
30 نومبر, 2025 10:22
سیمنٹ سے متعلق بڑی خبر آگئی
اسلام آباد: ملک میں جاری مالی سال کے پہلے پانچ ماہ کے دوران سیمنٹ کی فروخت میں 11 فیصد اضافہ ریکارڈ کیا گیا، تاہم برآمدات میں 2 فیصد کمی واقع ہوئی ہے۔
آل پاکستان سیمنٹ مینوفیکچررز ایسوسی ایشن اور انڈسٹری کے تازہ اعداد و شمار کے مطابق مالی سال کے پہلے پانچ ماہ میں ملک میں 21.3 ملین ٹن سیمنٹ فروخت ہوئی، جو پچھلے مالی سال کی اسی مدت میں 19.19 ملین ٹن فروخت کے مقابلے میں 11 فیصد زیادہ ہے۔
نومبر میں ملک میں 3.94 ملین ٹن سیمنٹ فروخت ہوئی، جو پچھلے سال نومبر کے مقابلے میں 7 فیصد کم رہی، جبکہ گزشتہ سال نومبر میں فروخت کا حجم 4.24 ملین ٹن تھا۔
سیمنٹ کی برآمدات کے حوالے سے بھی اعداد و شمار جاری کیے گئے ہیں۔ مالی سال کے پہلے پانچ ماہ میں 3.95 ملین ٹن سیمنٹ برآمد کی گئی، جو پچھلے مالی سال کی اسی مدت کے مقابلے میں 2 فیصد کم ہے۔
نومبر میں برآمدات کا حجم 0.54 ملین ٹن رہا، جو گزشتہ سال نومبر کے مقابلے میں 33 فیصد کی نمایاں کمی کی نشاندہی کرتا ہے، جبکہ گزشتہ سال نومبر میں برآمدات 0.80 ملین ٹن تھیں۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
